الفريلانسرز
ستوديو متاجر إلكترونية، الكويت

متجر مبني على أرقامك

نبني متاجركم الإلكترونية ونصلحها ونديرها، لبراندات الكويت والخليج. وكل شهر تشوفون بعينكم شنو تغيّر في مبيعاتكم.

٤ من ٥ أماكن محجوزة

ناخذ ٥ براندات بس بنفس الوقت، عشان كل براند ياخذ اهتمامنا كامل. باقي مكان واحد.

لبراندات تبيع، وتبي تبيع أكثر.

  • تبيعون على الإنستغرام والواتساب، وصار وقت متجر حقيقي.
  • الناس تدخل متجركم، بس قليل منهم يشتري.
  • طول اليوم تردون على نفس الأسئلة بالواتساب.
  • ما تدرون أي بوست أو إعلان فعلاً يجيب مبيعات.
شنو نسوي

شنو يتغيّر في شغلكم.

٠١

متجر يبيع أكثر

قبلالناس تدخل وتطلع بدون ما تشتري.

بعدمتجر واضح وسريع، وسهل الشراء منه بالتلفون.

٠٢

ذكاء اصطناعي يرد على واتسابكم

قبل"كم التوصيل؟" الساعة ٢ بالليل ينتظر للصبح.

بعدمساعد ذكي يرد بثواني، بالعربي أو الإنجليزي، واللي يحتاجكم يحوّله لكم.

٠٣

رسايل ترجّع الزباين

قبلسلال متروكة، ومحد يتابعها.

بعد"باقي شي في سلتك" و"رجع متوفر" توصل للزباين بروحها.

٠٤

لوحة مبيعاتكم

قبلتنزّلون بوستات كل يوم، بس ما تدرون أي بوست فعلاً يبيع.

بعدشاشة وحدة بسيطة توريكم أي بوست أو إعلان جاب كل طلب، ووين الناس توقف قبل لا تشتري.

٠٥

الطلبات والمخزون يمشون بروحهم

قبلتنقلون كل طلب لفاتورة بإيدكم، وتعدّون المخزون بالليل.

بعدالفواتير تطلع بروحها، والمخزون إذا قلّ ينبهكم، وملخص المبيعات يوصلكم على الواتساب كل صبح.

شلون نشتغل

نسمع أول، نقيس مرتين، ونبني مرة وحدة

١

نسمع.

مكالمة ٢٠ دقيقة. تقولون لنا عن البراند وشنو اللي مو ماشي.

٢

نقيس.

نشوف أرقامكم الحقيقية، ونلقى شنو اللي يضيّع عليكم مبيعات.

٣

نبني.

نصلّحه، ونوريكم الأرقام قبل وبعد.

كل شي نبنيه لكم. ملككم أنتم.

الأسعار

أسعار واضحة. بدون مفاجآت.

Store Fix

KWD 500
مرة وحدة · ٤ أسابيع

نصلّح اللي يضيّع عليكم مبيعات، أو نبني متجركم كله من جديد. وبعدها نسلّمكم إياه. ملككم أنتم.

  • فحص كامل للمتجر وتصليحه
  • أو متجر جديد كامل، من الصفر أو نعيد بناءه
  • المتجر والكود ملككم
  • الأرقام قبل وبعد
قدّموا

Build + Care

KWD 350
أول شهر، وبعدها KWD 200 بالشهر

نبني أو نجدد متجركم بأول شهر، وبعدها نديره وياكم كل شهر.

  • متجر جديد أو مجدد
  • تعديلات وعروض كل شهر
  • تقرير صفحة وحدة كل شهر
  • أقل شي ٣ شهور
قدّموا

Care

KWD 200
بالشهر

للمتاجر اللي شكلها حلو أصلاً. نديرها ونصلحها ونطورها كل شهر.

  • تعديلات وتصليحات
  • عروض وتخفيضات
  • تقرير صفحة وحدة كل شهر
  • أقل شي ٣ شهور
قدّموا

زيدوا إضافة بأي وقت.

بنص السعر إذا أنتم على Care أو Build + Care.

ذكاء اصطناعي يرد على واتسابكم

مساعد ذكي يرد على أسئلة زباينكم المعتادة، ليل ونهار، والباقي يحوّله لكم.

KWD 50على Care أو Build + Care
KWD 200 بدون باقة

رسايل ترجّع الزباين

"باقي شي في سلتك"، "رجع متوفر" و"وقت تطلب مرة ثانية؟" توصل بروحها.

KWD 50على Care أو Build + Care
KWD 100 بدون باقة

لوحة مبيعاتكم

شاشة وحدة بسيطة: أي بوست أو إعلان جاب كل طلب، ووين الناس توقف قبل لا تشتري.

KWD 50على Care أو Build + Care
KWD 100 بدون باقة

الطلبات والمخزون يمشون بروحهم

الفواتير تطلع بروحها، والمخزون إذا قلّ ينبهكم، وملخص المبيعات يوصلكم على الواتساب كل صبح.

KWD 50على Care أو Build + Care
KWD 100 بدون باقة

نخلي إضافاتكم شغالة

نراقبها ونصلحها ونحدّثها كل شهر.

مجاناًعلى Care أو Build + Care
KWD 75 بالشهر لكل إضافة، بدون باقة
مثال

ذكاء اصطناعي على الواتساب + رسايل، لمدة ٣ شهور.

بدون باقة
ذكاء اصطناعي على الواتساب، التجهيزKWD 200
الرسايل، التجهيزKWD 100
تشغيلهم الاثنين، ٣ شهورKWD 450
الاهتمام بمتجركممو داخل
المجموعKWD 750
على Care
Care، ٣ شهورKWD 600
ذكاء اصطناعي على الواتساب، التجهيزKWD 50
الرسايل، التجهيزKWD 50
تشغيلهم الاثنينمجاناً
الاهتمام بمتجركمداخل ✓
المجموعKWD 700

على Care تدفعون KWD 50 أقل، وفوقها نهتم بمتجركم كله.

رسوم أدواتكم (مثل أداة الواتساب وتكلفة الرسايل) تدفعونها أنتم مباشرة.

شغلنا

براندات حقيقية. أرقام حقيقية.

أزياء رجالية · الكويت

KANZE

بنينا المتجر وتطبيق الآيفون من الصفر.

تجميل · الكويت

[براند تجميل كويتي]

[المشكلة بكلامها.] [شنو غيّرنا.]

أسئلة

أسئلة يسألونها الناس.

لازم تفهمون بالتقنية؟

لا. أنتم قولوا لنا شنو تبون، والباقي علينا، ونشرح لكم كل شي بكلام بسيط.

على أي متاجر تشتغلون؟

Shopify وWooCommerce، أو نبني لكم متجر من الصفر.

متى تشوفون فرق؟

أول التغييرات تنزل بأول شهر، وكل شهر يوصلكم تقرير صفحة وحدة فيه أرقامكم.

المتجر يكون ملككم؟

إي. كل شي نبنيه ملككم، حتى لو وقفنا الشغل مع بعض.

شنو تدفعون غير جذي؟

بس رسوم منصتكم وأدواتكم، تدفعونها مباشرة. ما عندنا أي تكاليف مخفية.

وإذا الأماكن الخمسة كلها محجوزة؟

سجّلوا بقائمة الانتظار. نتكلم عادي، وتكونون أول ناس إذا فضى مكان.

تقدرون توقفون؟

بعد أول ٣ شهور، إي. بس قولوا لنا قبلها بشهر، ونفس الشي علينا.

باقي مكان واحد.
خلونا نتكلم.

التقديم ياخذ ٣ دقايق.

قدّموا على المكان المتبقي ←
شوفوا مثال من الواقع

ذكاء اصطناعي يرد على واتسابكم

اختاروا شغل يشبه شغلكم:
قبل

أربعين رسالة باليوم يسألون "عندكم مقاس ٥٦؟" و"كم التوصيل؟"، ونور ترد عليهم نص الليل.

شنو جهّزنا
  • مساعد ذكي على واتسابها يعرف مقاساتها وأسعارها والتوصيل
  • أي سؤال ما يعرف جوابه يروح على طول لتلفون نور
بعد

نور تصحى على طلبات، مو على أسئلة.

عندكم العباية السودا مقاس ٥٦؟١١:٤٨ م
إي متوفرة. التوصيل داخل الكويت ٢ د.ك ويوصلج باجر. أرسل لج رابط الطلب؟١١:٤٨ م

مثال للتوضيح. الأسماء والرسايل والأرقام مو حقيقية، بس توضح شلون تشتغل الخدمة.

KWD 50 مع باقة · KWD 200 بدون باقةأبي هذا ←